20 ‘cell group’ ng teroristang ISIS, nag-o-operate na ngayon sa Mindanao – OSG

Umaabot na umano sa 20 “cell group” na nag-o-operate sa Mindanao na nagdeklara ng pag-anib sa teroristang grupong ISIS. Ayon kay Solicitor General (SolGen) Jose Calida, bukod pa ito sa Maute group at sa tatlong iba pang grupo sa Mindanao na sinasabing nangako na ng katapatan sa Islamic State.

Wanted Maute

Ito ang nakasaad sa 84-pahinang memorandum na isinumite ng Office of the Solicitor General (OSG) sa Korte Suprema para bigyang katwiran na may sapat na basehan o sufficient factual basis ang idineklarang martial law sa Mindanao.

Ang mga nasabing cell group ay naglunsad na rin umano ng mga pag-atake sa Basilan, Sulu, Tawi-Tawi, Zamboanga at Davao na ang layunin ay hindi lamang maghasik ng takot kundi magdeklara ng hiwalay na teritoryo sa Pilipinas.

Katunayan, sa loob lamang ng taon na ito, aabot na raw sa 43 ang mga mararahas na pag-atake na inilunsad ng nasabing mga grupo at karamihan sa mga insidenteng ito ay mga pagsabog, panggigipit at pagdukot.

Kabilang sa mga sinasabing cell group na nasa Mindanao ay ang mga sumusunod:
1. Ansar Dawiah Fi Filibbin
2. Rajah Solaiman Islamic Movement
3. Al Harakatul Islamiyah Battalion
4. Jama’at Ansar Khilafa
5. Ansharul Khilafah Philippines Battalion
6. Bangsamoro Justice Movement
7. Khilafah Islamiya Mindanao
8. Abu Sayyaf Group (Sulu faction)
9. Syuful Khilafa Fi Luzon
10. Ma’rakah Al-Ansar Battalion
11. Dawla Islamiyyah Cotabato
12. Dawlat Al Islamiyah Waliyatul Masrik
13. Ansar Al-Shariyah Battalion
14. Jamaah al-Tawhid wal Jihad Philippines
15. Abu Dujanah Battalion
16. Abu Khubayn Battalion
17. Jundallah Battalion
18. Abu Sadr Battalion
19. Jamaah Al Muhajirin wal Anshor
20. Balik-Islam Group

Loading...